कर्म्मी

यन्त्रोपारोपितकोशांशः

कल्पद्रुमः

पृष्ठभागोऽयं यन्त्रेण केनचित् काले काले मार्जयित्वा यथास्रोतः परिवर्तयिष्यते। तेन मा भूदत्र शोधनसम्भ्रमः। सज्जनैः मूलमेव शोध्यताम्।

कर्म्मी, [न्] त्रि, (कर्म्मास्त्यस्य “व्रीह्यादिभ्यश्च” । ५ । २ । ११६ इति इनिः ।) कर्म्मविशिष्टः । (“यत्कर्म्मिणो न प्रवेदयन्ति रागात्तेनातुराः क्षी- णलोकाश्च्यवन्ते” ॥ इति मुण्डकोपनिषदि । १ । २ । ९ । यथा च, भागवते १ । ३ । ८ । “तृतीयमृषिसर्गञ्च देवर्षित्वमुपेत्य सः । तन्त्रं सात्वतमाचष्टे नैय्कर्म्म्यं कर्म्मिणां यतः” ॥)