दस्मः

यन्त्रोपारोपितकोशांशः

कल्पद्रुमः

पृष्ठभागोऽयं यन्त्रेण केनचित् काले काले मार्जयित्वा यथास्रोतः परिवर्तयिष्यते। तेन मा भूदत्र शोधनसम्भ्रमः। सज्जनैः मूलमेव शोध्यताम्।

दस्मः, पुं, (दस्यति उत्क्षिपति दक्षिणादिक- मिति । दस + “इषियुधीन्धिदसिश्येति ।” उणां । १ । १४४ । इति मक् ।) यजमानः । चौरः । हुताशनः । इति मेदिनी । मे, १५ ॥ खलः । इति शब्दरत्नावली ॥ (त्रि, उपक्षेपकः । यथा, ऋग्वेदे । १ । १४८ । ४ । “पुरूणि दस्मो नि रिणाति जम्भैराद्रोचते वन आ विभावा ॥” “दस्म उपक्षपयितायमग्निः ।” इति तद्भाष्ये सायनः ॥ दर्शनीयः । यथा, ऋग्वेदे । १ । ७७ । ३ । “तं मेधेषु प्रथमं देवयन्तीर्विश उपब्रुवते दस्म- मारीः ॥” “दस्मं दर्शनीयं तमग्निमारीर्गच्छन्त्यः ।” इति तद्भाष्ये सायनः ॥)