देवदेवः

यन्त्रोपारोपितकोशांशः

कल्पद्रुमः

पृष्ठभागोऽयं यन्त्रेण केनचित् काले काले मार्जयित्वा यथास्रोतः परिवर्तयिष्यते। तेन मा भूदत्र शोधनसम्भ्रमः। सज्जनैः मूलमेव शोध्यताम्।

देवदेवः, पुं, (दीव्यतीति । दिव् + अच् । देवानां देवेषु वा देवः श्रेष्ठत्वात् ।) शिवः । (यथा, महाभारते । १ । १ । १६० । “यदाश्रौषमर्ज्जुनं देवदेवं किरातरूपं त्र्यम्बकं तोष्य युद्धे ॥”) ब्रह्मा । इति शब्दरत्नावली ॥ (यथा, देवी- भागवते । १ । ५ । १८ । “स वम्रीं सन्दिदेशाथ देवदेवः सनातनः ॥” “देवदेवो ब्रह्मेति ।” तट्टीका ॥ विष्णुः । यथा, देवीभागवते । १ । ४ । ३५ । “कारणं सर्व्वलोकानां देवदेवं जगद्गुरुम् । वासुदेवं जगन्नाथं तप्यमानं महत्तपः ॥” गणेशः । यथा, कथासरित्सागरे । २० । ५५ । “अस्तीह प्रमदोद्याने तरुमण्डपमध्यगः । दृष्टप्रभावो वरदः देवदेवो विनायकः ॥”)