देवपथः

यन्त्रोपारोपितकोशांशः

कल्पद्रुमः

पृष्ठभागोऽयं यन्त्रेण केनचित् काले काले मार्जयित्वा यथास्रोतः परिवर्तयिष्यते। तेन मा भूदत्र शोधनसम्भ्रमः। सज्जनैः मूलमेव शोध्यताम्।

देवपथः, पुं, (देवानां पन्थाः । “ऋक्पूरब्धूः पथा- मानक्षे । ५ । ४ । ७४ । इति अः ।) देवानां पन्थाः । तत्पर्य्यायः । छायापथः २ सोमधारा ३ नभःसरित् ४ । इति त्रिकाण्डशेषः ॥ (यथा, महाभारते । ३ । १४८ । २० । “दिव्यो देवपथो ह्येष नात्र गच्छन्ति मानुषाः ॥” तीर्थविशेषः । यथा, महाभारते । ३ । ८५ । ४५ । “ततो देवपथं गत्वा नियतो नियतासनः । देवसत्रस्य यत् पुण्यं तदवाप्नोति मानवः ॥”)