धर्म्ममूलम्

यन्त्रोपारोपितकोशांशः

कल्पद्रुमः

पृष्ठभागोऽयं यन्त्रेण केनचित् काले काले मार्जयित्वा यथास्रोतः परिवर्तयिष्यते। तेन मा भूदत्र शोधनसम्भ्रमः। सज्जनैः मूलमेव शोध्यताम्।

धर्म्ममूलम्, क्ली, (धर्म्मस्य मूलम् ।) शुभादृष्टकार- णम् । पुण्यहेतुः । यथा, -- “इत्थं मूलं फलं शाकमुदपात्रं तपोधनाः । दानं विभवतो दत्त्वा नराः स्वर्य्यान्ति धर्म्मिणः ॥ एष धर्म्मो महांस्त्यागो दानं भूतदया तथा । ब्रह्मचर्य्यं सदा सत्यं अनुक्रोशो धृतिः क्षमा ॥ सनातनस्य धर्म्मस्य मूलमेतत् समासतः ॥” इति वह्निपुराणे स्नानविधिनामाध्यायः ॥ (यथा च मनुः । २ । ६ । “वेदोऽखिलो धर्म्ममूलं स्मृतिशीले च तद्बिदाम् । आचारश्चैव साधूनामात्मनस्तुष्टिरेव च ॥”)