नन्दिघोषः

यन्त्रोपारोपितकोशांशः

कल्पद्रुमः

पृष्ठभागोऽयं यन्त्रेण केनचित् काले काले मार्जयित्वा यथास्रोतः परिवर्तयिष्यते। तेन मा भूदत्र शोधनसम्भ्रमः। सज्जनैः मूलमेव शोध्यताम्।

नन्दिघोषः, पुं, (नन्दिरानन्दजनको घोषो यस्य ।) अर्ज्जुनस्य रथघोषः । वन्दिजनघोषः । इति मेदिनी । षे, ५३ ॥ मङ्गलघोषणा च ॥ (हर्ष- घोषयुक्ते, त्रि । यथा, महाभारते । १३ । १०७ । १०५ -- १०८ । “पञ्चविंशे तु दिवसे यः प्राशेदेकभोजनम् । सदा द्वादशमासांस्तु पुस्कलं यानमारुहेत् ॥ सिंहव्याघ्रप्रयुक्तैस्तु मेघनिश्वननादितैः । स रथैर्नन्दिघोषैश्च पृष्ठतोऽह्यनुगम्यते ॥ देवकन्यासमारूढैः काञ्चनैर्व्विमलैः शुभैः । विमानमुत्तमं दिव्यमास्थाय सुमनोहरम् ॥ तत्र कल्पसहस्रं वै वसते स्त्रीशतावृते । सुधारसञ्चोपजीवन्नमृतोपममुत्तमम् ॥”)