परीवादः

यन्त्रोपारोपितकोशांशः

कल्पद्रुमः

पृष्ठभागोऽयं यन्त्रेण केनचित् काले काले मार्जयित्वा यथास्रोतः परिवर्तयिष्यते। तेन मा भूदत्र शोधनसम्भ्रमः। सज्जनैः मूलमेव शोध्यताम्।

परीवादः, पुं, (परि + वद् + भावे घञ् । “उप- सर्गस्य घञीति ।” ६ । ३ । १२२ । इति दीर्घः ।) दोषोल्लासः । तत्पर्य्यायः । कुत्सा २ निन्दा ३ जुगुप्सा ४ गर्हा ५ गर्हणम् ६ निन्दनम् ७ कुत्सनम् ८ परिवादः ९ जुगुप्सनम् १० आक्षेपः ११ अवर्णः १२ निर्वादः १३ अपक्रोशः १४ भर्त्सनम् १५ उपक्रोशः १६ अपवादः १७ अववादः १८ । इति शब्दरत्नावली ॥ (यथा, “परीवादस्तथ्यो भवति विंतथो वापि महतां तथाप्युच्चैर्धाम्नां हरति महिमानं जनरवः । तुलोत्तीर्णस्यापि प्रकटितहताशेषतमसो रवेस्तादृक्तेजो नहि भवति कन्यां गतवतः ॥”) वीणादिवादनम् । येन काष्ठविशेषादिना वीणादिर्वाद्यते सः । इति जटाधरः ।