पारमार्थिकः

यन्त्रोपारोपितकोशांशः

कल्पद्रुमः

पृष्ठभागोऽयं यन्त्रेण केनचित् काले काले मार्जयित्वा यथास्रोतः परिवर्तयिष्यते। तेन मा भूदत्र शोधनसम्भ्रमः। सज्जनैः मूलमेव शोध्यताम्।

पारमार्थिकः, त्रि, (परमार्थाय परमपुरुषार्थाय हित इति । ठक् ।) परमार्थयुक्तः । यथा, -- “गतानुगतिको लोको न लोकः पारमार्थिकः ॥” इति पुराणम् ॥ मुख्यम् । यथा, -- “त्रिचतुःपञ्चसप्ताष्टनवद्वादश एव च । क्रमेण घटिका ह्येतास्तत्पुण्यं पारमार्थिकम् ॥” इति तिथ्यादितत्त्वम् ॥ (यथाथः । यथा, मनौ ९ । ६२ श्लोकटीकायां कुल्लूकभट्टः । “तेषां प्रकाशाप्रकाशतस्कराणां स्वकर्म्मणि चौर्य्यादौ ये पारमार्थिका दोषा इति ।” परस्परविभक्तः । यथा, भागवते । ३ । २९ । १ । “लक्षणं महदादीनां प्रकृतेः पुरुषस्य च । स्वरूपं लक्ष्यतेऽमीषां येन तत् पारमार्थिकम् ॥” “पारमार्थिकं परस्परविभक्तमित्यर्थः ।” इति तट्टीकायां श्रीधरस्वामी ॥)