प्रसहः

यन्त्रोपारोपितकोशांशः

कल्पद्रुमः

पृष्ठभागोऽयं यन्त्रेण केनचित् काले काले मार्जयित्वा यथास्रोतः परिवर्तयिष्यते। तेन मा भूदत्र शोधनसम्भ्रमः। सज्जनैः मूलमेव शोध्यताम्।

प्रसहः, पुं, (प्रसहतीति । प्र + सह् + अच् ।) बलात्कारेण भक्षकपक्षी । स च कुरर- श्येनादिः । यथा, -- “प्रसह्य भक्षयन्त्येते प्रसहास्तेन कीर्त्तिताः ॥” अस्य मांसगुणाः । “गुरूष्णमधुराः स्निग्धा वातघ्नाः शुक्रवर्द्धनाः ।” इति राजवल्लभः । अपि च भावप्रकाशे । “काको गृध्र उलूकश्च चिल्लश्च शशघातकः । चाषो भासश्च कुरर इत्याद्याः प्रसहाः स्मृताः ॥ शशघातकः वाज इति लोके । प्रसहाः कीर्त्तिता एते प्रसह्य छिद्य भक्षणात् । प्रसहाः खलु वीर्य्योष्णास्तन्मांसं भक्षयन्ति ये ॥ ते शोषभस्मकोन्मादैः शुक्रक्षीणा भवन्ति हि ॥”