ब्रह्मनालम्

यन्त्रोपारोपितकोशांशः

कल्पद्रुमः

पृष्ठभागोऽयं यन्त्रेण केनचित् काले काले मार्जयित्वा यथास्रोतः परिवर्तयिष्यते। तेन मा भूदत्र शोधनसम्भ्रमः। सज्जनैः मूलमेव शोध्यताम्।

ब्रह्मनालम्, क्ली, (ब्रह्मणो ब्रह्मलोकप्राप्तेर्नालमिव ।) काश्यां चक्रतीर्थस्य पूर्ब्बभागे पितामहेश्वर- लिङ्गस्याधस्तीर्थविशेषः यथा, -- “पितामहेश्वरं लिङ्गं ब्रह्मनालोपरिस्थितम् । पूजयित्वा नरो भक्त्या ब्रह्मलोकमवाप्नुयात् ॥ ब्रह्मस्रोतःसमीपे तु कृतं कर्म्म शुभाशुभम् । परामक्षयतामेति शुभमेव ततश्चरेत् ॥ अनल्पमपि यत् कर्म्म कृतमत्र शुभाशुभम् । प्रलयेऽपि न तस्यास्ति प्रलयो मुनिसत्तम ! ॥ नाभितीर्थमिदं प्रीक्तं नाभीभूतं यतः क्षितेः । अपि ब्रह्माण्डगोलस्य नाभिरेषा शुभोदया ॥ सा माणिकर्णिकेकीयं नाभिगाम्भीर्य्यभूमिका । ब्रह्माण्डगोलकं सर्व्वं यस्यामेति लयोदयम् ॥ ब्रह्मनालं परं तीर्थं त्रिषु लोकेषु विश्रुतम् । तत्सङ्गमे नरः स्नातः कोटिजन्ममलं हरेत् ॥ ब्रह्मनाले पतेद्येषामपि कीकसमात्रकम् ॥ ब्राह्मण्डमण्डपान्तस्ते न विशन्ति कदाचन ॥” इति स्कन्दपुराणे काशीखण्डे बिन्दुमाधवाग्नि- बिन्दुसंवादे वैष्णवतीर्थभाहात्म्यं नाम ६१ अः ॥