वेसवारः

यन्त्रोपारोपितकोशांशः

कल्पद्रुमः

पृष्ठभागोऽयं यन्त्रेण केनचित् काले काले मार्जयित्वा यथास्रोतः परिवर्तयिष्यते। तेन मा भूदत्र शोधनसम्भ्रमः। सज्जनैः मूलमेव शोध्यताम्।

वेसवारः, पुं, धन्याकसर्षपादिपिष्टः । वेसार इति वाटना इति च ख्यातः । तत्पर्य्यायः । उप- स्करः २ । इत्यमरः । वेषवारः ३ । इति भरतः ॥ वेशवारः ४ । इति मुकुटः ॥ (यथा, सुश्रुते । १ । ४६ । “मुद्गादिवेसवाराणां पूर्णा विष्टम्भिनो मताः । वेसवारैः सपिशितैः सम्पूर्णा गुरुवृंहणाः ॥”) व्यञ्जनविशेषः । यथा, -- “निरस्थि पिशितं पिष्टं सिद्धं गुडघृतान्वितम् । कृष्णामरिचसंयुक्तं वेसवार इति स्मृतम् ॥” अस्य गुणाः । “वेसवारो गुरुः स्निग्धो बलोपचयवर्द्धनः ॥” इति राजवल्लभः ॥ हिङ्ग्वार्द्रकमरीचजीरकहरिद्राधन्याकाः क्रमेण द्बिगुणपरिमाणेनैकत्रीकृताः । इति पाकराजे- श्वरे पाकपरिभाषा ॥