स्थण्डिलशायी

यन्त्रोपारोपितकोशांशः

कल्पद्रुमः

पृष्ठभागोऽयं यन्त्रेण केनचित् काले काले मार्जयित्वा यथास्रोतः परिवर्तयिष्यते। तेन मा भूदत्र शोधनसम्भ्रमः। सज्जनैः मूलमेव शोध्यताम्।

स्थण्डिलशायी, [न्] पुं, (स्थण्डिले शेते इति । शी + “व्रते ।” ३ । २ । ८० । इति इनिः ।) यो व्रतवशात् स्थण्डिले शेते सः । तत्पर्य्यायः । स्थाण्डिलः २ । इत्यमरः । २ । ७ । ४४ ॥ स्थण्डि- लेशयः ३ । इति शब्दरत्नावली ॥ (वाच्यलिङ्गे- ऽपि वर्त्तते । यथा, भट्टिः । ३ । ४१ । “वाचंयमान् स्थण्डिलशायिनञ्च युयुक्षमाणाननिशं मुमुक्षून् । अध्यापयन्तं विनयात् प्रणेमुः पद्गा भरद्वाजमुनिं सशिष्यम् ॥”)