हार्द्दम्

यन्त्रोपारोपितकोशांशः

कल्पद्रुमः

पृष्ठभागोऽयं यन्त्रेण केनचित् काले काले मार्जयित्वा यथास्रोतः परिवर्तयिष्यते। तेन मा भूदत्र शोधनसम्भ्रमः। सज्जनैः मूलमेव शोध्यताम्।

हार्द्दम्, क्ली, (हृदयस्य भावः कर्म्म वा । हृदय + “हायनान्तयुवादिभ्योऽण् ।” ५ । १ । १३० । इत्यण् । “हृदयस्य हृल्लेखयदणलासेषु ।” ६ । ३ । ५० । इति हृदादेशः ।) प्रेम । स्नेहः । इत्यमरः । १ । ७ । २७ ॥ (यथा, महाभारते । १३ । ७१ । ५२ । “गावो लोकांस्तारयन्ति क्षरन्त्यो गावश्चान्नं संजनयन्ति लोके । यस्तज्जानन् न गवां हार्द्दमेति स वै गन्ता निरयं पापचेताः ॥” अभिप्रायः । यथा, भागवते । १ । ७ । ५५ । “अर्ज्जुनः सहसाज्ञाय हरेर्हार्द्दमथासिना । मणिं जहार मूर्द्धन्यं द्विजस्य सह मूर्द्धजम् ॥”